浪遊新宿mapcamera (Einstellen)

Vitessa | 13th Jul 2008 | 東京中古相機 | (2089 Reads)

喜歡到日本旅行，近幾年去都有停留東京，多數住在新宿貪其方便，順理成章每次都會行吓D中古相機店，尤其是在西新宿的幾間，夠集中，方便來回比較價錢種類，附近食店又多，又有間Yodobashi大型電器連鎖店，真係可以行足一日。

其中西新宿Mapcamera是東京其中一間具規模的攝影器材店，位於西新宿1-3丁目，共分一館及二館兩座，相距半條街，剛於2008慶祝成立十週年全新裝修。

除咗中古買賣外，它還有出售全新的攝影器材，一館主要出售全新器材，5樓全層Nikon，4樓全層canon，Body鏡頭配件雖然齊都是些大路貨品，三樓是其它品牌Sony，Pentax，Olympus，Panasonic等數碼機種，時間唔夠可以放棄，來地庫B1是令人流晒口水的古董相機和大底機部，入內感覺燈光氣氛和樓上很不同，很柔和，相信是要襯下Lecia、Zeiss Icon、Linhof、Rollei、hasselblad等經典牌子，有趣的是同一層亦有賣一些金筆火機如mont blanc、zippo之類，可能係想將D貴貨放在一起。

日本人愛Lecia，幾乎每間中古店都有些特別貨式，在這裡可以証實此點，例如mapcamera近來有一部近乎全新的M7+50mmF1.4 50週年紀念版便索價一百二十萬Yen。他們很愛惜東西，所以不難在日本到些高質素的貨品。

另外二館主要是中古貨，亦是我流連忘返的樂園，3樓主要有Canon、PENTAX、Minolta、Mamiya 120、RICOH GR等，2樓則是Nikon 、Olympus 、Polaroid、Contax RTS 和G系等，所有單鏡機，snapshot機，鏡頭，配件等種類繁多，但陳列整齊，要找貨品一點不難，最重要的是每件貨品都會把價錢，新舊，配件列得一清二楚，又可以拿出來比較，就算唔買都絕對唔會比面色你睇，就算日本其它中古店都唔係間間可以咁架。

佢地通常會把貨品按質素分類在label上，可分為﹕

未使用品 – 全新

新同品 – 二手但和新貨無分別

美品 – 高質素大可放心(我個人認為)

良上品 – 見到用過的痕跡，都是外觀上的損耗，不過都要小心check下好

難有品 – 好容易誤會係稀有品，難有品是指機件有些損壞，但仍能使用

金屬片品 – 壞貨，買來作留念吧，基本上是不可以退貨的

係日本買機普遍偏貴，不過貨真價實，在這裡我主要會找些較新的貨品，因為ebay較難找到，貴D都值，另外大部份中古貨都有列明保養期，甚到有在一年內回購保證。Mapcamera還提供退稅服務，算是一點補償。在Mapcamera我買過兩部機，一部係Contax 嘅T3，另一部係Olympus Pen EE2，兩部機不只有九成新，仲有盒有相機袋、繩、menu齊，而有四十年機齡的EE2仲有單和保養卡，真係喜出望外！