昨天下午去了花墟買些植物回公司，乘機帶我個近五十歲高齡長者(我部Olympus Pen)出外做做運動，配上一筒Konica400度底片。

花墟的花店門真大方，任影，見你拿起相機，最多好奇望你一眼，絕無阻攔。

天陰，正好，陽光普照就影乜都得靚，天色差就可以試真吓個老友的真章。

不過Pen伯沒有內置測光，所以帶咗個小巧測光錶出來，這個小傢伙是從鴨寮街買來，沒有甚麼工能，只可以測6-15EV，但勝在便宜及輕便，配合這位老人家拍snapshot真不錯！

測咗幾個光暗位，大概都估到個exposure，收返埋個錶，影snapshot唔使下下動刀動槍！

Pen伯只得一級光圈及25,50,100,200和B五級快門，曝光範圍有限，結果用400度底片有些相over小小。

對焦仲好玩，Pen伯只可靠肉眼估焦，近攝時，我唯有用我隻手臂去度，伸直都有三呎幾架，好彩結果都幾準！

從底片將每兩格合起來看(剛好是135底的一整格)，看起來又是另一種感覺！

 http://www.flickr.com/photos/tcyo/sets/72157606135892937/detail/

多謝Pen伯，祝身體健康。

2008/07/15