曾經介紹過新宿嘅mapcamera，它是一間具規模及有專業服務態度的中古相機店，但略嫌太過企業化，貨品排列又太過整齊，好像欠缺少許中古店應有的個性(有時真的覺得自己真係幾難服侍！)

好彩相隔幾分鐘路程有間「中古相機市場」可以轉吓口味(要多謝我太太，因為這店是她在等我的時候發現的)，它位於是西新宿1-13-2 松原大廈2/F.，由mapcamera向新宿郵便局方面，途經一間ABCmart鞋店，中古相機市場便在樓上。

小小的店鋪一入到去便見到老闆坐在門口收銀處，老闆三村旭先生是屬於有性格那款，別期望他會向你打招呼或問好，但有查詢時他還是會認真回答，我倒覺得這樣很舒服，總比那些樣板的招呼來得自然。

不過最重要還是內裡的珍藏，它和mapcamera很不同，mapcamera的有貨很大路，品質較有保證但欠驚喜，相反在中古相機市場的珍藏便有趣得多，幾排飾櫃由古典bellows機，各種日本120機，雙鏡機，Rangefinder機到日美歐單鏡機，古董鏡頭，仲有我喜觀的snapshot細機仔。

在店內難找到些品牌如Agfa，Zeiss Icon，Mamiya，Bronica，Rollieflex，Konica，Topcon，Fujica等等，仲有很多唔係幾識的歐美品牌，真係大開眼介。

其它立立雜雜如証伴相即影即有機，16mm攝影機，舊附件，舊filter，舊皮相機袋，鐵箱，舊menu，絕對可在這尋寶大半天。

例如見過一部Mamiya Super Deluxe II，48mm鏡F1.7光圈 (Deluxe III F.15 Ebay叫價成港幣四千)，因為當時Quota爆滿只好放棄，依家好後侮呀！

另外一次在這裡見過一個給我部Olympus Pen用的原裝閃光燈PS-200，

千多Yen！嘩發達啦！簡直係同部機父子重逢，立刻向職員示意取出，他面有難色地咕嚕咕嚕一堆日文，最後老闆用雙打咗個交义，壞咗！！點算呀，救命呀，有無第二個呀！最後左度右度都放低咗，拖住自己個影黯然離開。我決心下次一定要係度買到野，一定！

當然新宿還有其它中古店如Lucky camera，Miyamaミヤマ商会，アルプス堂Alpsdo camera(百果園附近)，歌舞伎町風林會館地下的卜一ホ一力メラ等店，各有特色，而且都是十分鐘腳程，有機會再逐一介紹。

2008/07/17